بسم الله الرحمن الرحيم
اهلا بيكم يا شباب
اول حاجة لازم اقولها ان اي حد داخل الموضوع نوعين النوع الاول دا داخل يزود معلوماته وخبراتة مش اكتر او داخل يتسلي
النوع الثاني والي الموضوع مكتوب ليه مخصوص هوا النوع الى معندوش ثقة بنفسو (موسوس)
فا اول حاجة هقولهالك لازم تحط ثقة بنفسك والاوائل مش احسن منك فى حاجة بس دول نظمو وقتهم مش اكتر
تاني حاجة لازم تعمل جدول لنفسك 24 ساعة كاملين من غير وقت فاضي
طب تعالي نفترض ان مثلا 8 ساعات نوم و 6 ساعات مدرسة و ساعتين اكل وساعة ونص ضايعة فى اليوم من حمام او مشاوير
هيتبقي كام 8 ساعات مش هقولك انك تذاكرهم كلهم لا يا سيدي ذاكر منهم 3 ساعات بس ((كمل الموضوع لحد الاخر وخليك معايا))
انت هتقولي 3 ساعات دا وقت كبير بل العكس دا وقت قليل كمان
وكمان ممكن تقولي دا وقت قصير وفى الحالتين هيكون جوابي هو
فى ناس بتذاكر وقت قليل و بتتفوق وفى ناس بتذاكر 24 ساعة في اليوم من غير فائدة
طب هنعمل ايه فى 3 ساعات دول
احسن وقت للمذاكرة بعد صلاه الفجر الي هوا اسمو البكور دا بيكون الذهن صافي وانت اساسا لسة صاحي و مخك لسة طازة
تقعد بقا تذاكر على الاقل مادتين متذكر الوقت كلو مادة واحدة
وتقسم موادك على الاسبوع كلو
ولازم تراعي وقت الراحة
كدا اتبقي من اليوم 5.5
منهم ساعتين دروس
يتبقي 3.5 دول بقا يا سيدي تمارس فيهم اي رياضة حتي لو ضغط
بعض النقاط المهمة للأفادة
بلاش مذاكرة علي السرير او ما شابة لأنك ممكن تنام وأنت قاعد .. بالك وأنت ممدد ؟ خليك في وضع الجدية ذي جديتك امام فيلم اكشن اوتمثيلية حرشة – تذكر تفوق مش نجاح بس
-بخصوص المادة الصعبة عليك وعلي كام واحد من صحابك اللي بيشعشعو الفكرة في دماغك قسمها ابواب والباب قسمة فصول والفصل قسمة عناصر والعنصر قسمة كام نقطة كمان ... استني كله هتلاقيه متقسم وجاهز في الفهرس عندك ؛ كل اللي عليك تخلص لك كام نقطة كل يوم وعلي اخر الاسبوع هتكون قطعت شوط محترم فيها واصبر شوية (الدنيا اتعملت في سبع ايام)
حاول تتعلم من غلطك ومن اخطاء غيرك (مش واحد اتلسع من سلك كهرباء اقوم اروح احضن العمود )وخليك متفائل دائما، سيدنا النبي محمد علية الصلاة والسلام بيقول *بشروا ولا تنفروا*
زي ما أبتدينا بالاستعانة بالمولي عز وجل خليك واثق في الله وانتظم في صلاتك وداوم عليها هتنتظم عيشتك و بعون الله هتحقق تفوق بعد نجاح
اتمني اكون قدمت حاجة فيها خير وتساعد ناس
ودي شوية فيديوهات حلوة هتساعدكم
https://www.youtube.com/watch?v=_LlPjiOpqFA&feature=related
https://www.youtube.com/watch?v=RpMTgEbk6lY
https://www.youtube.com/watch?v=mKg272ezpSA&feature=related
https://www.youtube.com/watch?v=mKg272ezpSA&feature=related
